CJ သတင်းသမား အများစုဟာ သတင်းပညာနဲ့ ပတ်သက်တဲ့ တက္ကသိုလ်တွေက ဘွဲ့ရပညာတတ်တွေ မဟုတ်တာကြောင့် သတင်းရဲ့ အရေးပါတဲ့ အချက်တွေဖြစ်တဲ့ တိကျမှန်ကန်မှု၊ ဘက်မလိုက်မှု၊ ချိန်ခွင်လျှာညှိမှုတွေကို အားနည်းတတ်ပါတယ်။ ဒါကြောင့် သတင်းအချက်အလက်တွေကို သေချာစိစစ်ပြီးမှ ဖြန့်ဝေဖို့ အရေးကြီးပါတယ်။

ဖုန်းတစ်လုံးနဲ့ အင်တာနက်သာ ရှိရင် သင်လည်း ပြည်သူ့သတင်းသမား CJ တယောက် ဖြစ်နိုင်ပါတယ်။ ကိုယ်တွေ့မြင်ရတဲ့ ဖြစ်ရပ်တွေကို ဓာတ်ပုံရိုက်၊ ဗီဒီယိုရိုက်ပြီး လူမှုကွန်ရက်တွေမှာ မျှဝေပေးရုံပါပဲ။ ဒါပေမယ့် သတင်းတစ်ပုဒ်ရဲ့ တိကျမှန်ကန်မှု၊ ကျင့်ဝတ်နဲ့ ညီညွတ်မှုတွေကိုလည်း အထူးဂရုစိုက်ဖို့ လိုအပ်ပါတယ်။