ဆိုရှယ်မီဒီယာပေါ်က Hashtag ဆိုတာ # (pound sign) နောက်မှာ စာလုံးတွေ၊ ဂဏန်းတွေ ဒါမှမဟုတ် emoji တွေ ပါဝင်တဲ့ စကားစုတစ်ခု ဒါမှမဟုတ် စကားလုံးတစ်လုံးပါ။ ဥပမာ – #သတင်း #မြန်မာ့အရေး #WhatsHappeningInMyanmar စသည်ဖြင့် အကြောင်းအရာတွေကို ခွဲခြားသတ်မှတ်ခြင်း (Categorizing content) ပြုလုပ်ဖို့ သုံးကြတယ်ဆိုတာ သိကြပြီးဖြစ်ပါလိမ့်မယ်။
ဘယ်လို အလုပ်လုပ်သလဲ?
Facebook မှာ hashtag ကို သုံးလိုက်တဲ့အခါ အဲဒီ hashtag ပါတဲ့ post တွေ အားလုံးကို တစ်နေရာတည်းမှာ စုစည်းပြီး ပြသပေးပါတယ်။ ဒါကြောင့် hashtag ကို နှိပ်လိုက်ရင် ဒါမှမဟုတ် search bar မှာ ရှာလိုက်ရင် အဲဒီ hashtag နဲ့ သက်ဆိုင်တဲ့ post တွေကို တွေ့ရမှာပါ။
ဘာအတွက် အသုံးပြုသလဲ?
အကြောင်းအရာကို စုစည်းဖို့
တူညီတဲ့ hashtag ကိုသုံးပြီး တူညီတဲ့အကြောင်းအရာနဲ့ ဆက်စပ်တဲ့ post တွေကို စုစည်းနိုင်ပါတယ်။ ဥပမာ – တစ်စုံတစ်ယောက်က #သတင်း ဆိုတဲ့ hashtag နဲ့ သတင်းတစ်ပုဒ်ကို post လုပ်တယ်ဆိုရင်၊ အဲဒီ hashtag ကို နှိပ်လိုက်တာနဲ့ တခြားသူတွေရဲ့ #သတင်း hashtag သုံးထားတဲ့ post တွေကိုပါ တွေ့ရမှာပါ။
ပိုမိုကျယ်ပြန့်တဲ့ ပရိသတ်ထံ ရောက်ရှိဖို့
Hashtag က ကိုယ့်ရဲ့ post ကို ကိုယ် follow မလုပ်ထားတဲ့သူတွေဆီကိုပါ ရောက်ရှိစေနိုင်ပါတယ်။ ဘာလို့လဲဆိုတော့ hashtag ကို စိတ်ဝင်စားတဲ့ သူတွေက အဲဒီ hashtag ကို ရှာဖွေကြည့်ရှုတတ်ကြလို့ပါ။
အမှတ်တံဆိပ် သိရှိမှု (brand awareness) တိုးမြှင့်ဖို့
စီးပွားရေးလုပ်ငန်းတွေ၊ အဖွဲ့အစည်းတွေ အနေနဲ့ ကိုယ့် brand နဲ့ သက်ဆိုင်တဲ့ hashtag တွေကို ဖန်တီးပြီး အသုံးပြုခြင်းဖြင့် ပိုမို လူသိများလာစေနိုင်ပါတယ်။
လှုပ်ရှားမှုတွေမှာ ပါဝင်ဖို့
တချို့ လှုပ်ရှားမှုတွေ၊ ကမ်ပိန်းတွေမှာ သီးသန့် hashtag တွေ သတ်မှတ်ထားတတ်ပြီး အဲဒီ hashtag ကို သုံးပြီး ပါဝင်ကြတာမျိုး ရှိပါတယ်။ ဥပမာ – #ChallengeAccepted
ဘယ်လို အကျိုးကျေးဇူးတွေ ရှိသလဲ?
စိတ်ဝင်စားတဲ့ အကြောင်းအရာနဲ့ ပတ်သက်တဲ့ သတင်းတွေ၊ ဆွေးနွေးမှုတွေကို hashtag ကနေ သတင်းအချက်အလက် အလွယ်တကူ ရှာဖွေ ဖတ်ရှုနိုင်ပါတယ်။
တူညီတဲ့ hashtag ကို သုံးတဲ့သူတွေနဲ့ ချိတ်ဆက်ပြီး ဆွေးနွေးမှုတွေမှာ ပါဝင်နိုင်ပါတယ်။
Hashtag ကြောင့် ကိုယ့်ရဲ့ post ကို ပိုမို ကျယ်ပြန့်တဲ့ ပရိသတ်ထံ ရောက်ရှိစေပြီး engagement ပိုရစေနိုင်ပါတယ်။
စီးပွားရေးလုပ်ငန်းတွေ အနေနဲ့ သင့်တော်တဲ့ hashtag တွေကို အသုံးပြုခြင်းဖြင့် brand awareness တိုးမြှင့်နိုင်ပါတယ်။
Hashtag တွေကို အသုံးပြုတဲ့အခါ သတိထားရမှာက သက်ဆိုင်တဲ့ hashtag ကိုပဲ သုံးဖို့ပါ။ မသက်ဆိုင်တဲ့ hashtag တွေ အများကြီး သုံးတာမျိုး၊ spammy hashtag တွေ သုံးတာမျိုးတွေက ကိုယ့်ရဲ့ post engagement ကို ထိခိုက်စေနိုင်ပါတယ်။
အစွမ်းထက်လက်နက် ကိုယ်ပိုင် Hashtag (#)
လူမှုကွန်ရက်ခေတ်ကြီးထဲမှာ သတင်းဌာနတွေအနေနဲ့ ပရိသတ်ကို ဆွဲဆောင်ဖို့၊ သတင်းတွေကို ပိုမိုကျယ်ပြန့်စွာ ဖြန့်ဝေနိုင်ဖို့ နည်းလမ်းပေါင်းစုံ ရှာဖွေနေကြပါတယ်။ အဲဒီထဲကမှ Facebook hashtag တွေက သတင်းဌာနတွေအတွက် အလွယ်တကူ အသုံးပြုနိုင်ပြီး အကျိုးအမြတ်များစွာ ရရှိစေနိုင်တဲ့ တန်ဖိုးကြီး ကိရိယာတစ်ခု ဖြစ်ပါတယ်။ ဒါပေမဲ့ တော်တော်များများက hashtag တွေကို ထိထိရောက်ရောက် အသုံးမချတတ်ကြသေးဘူးလို့ ထင်ပါတယ်။ အထူးသဖြင့် ကိုယ်ပိုင် hashtag တွေကို ဖန်တီးပြီး အသုံးပြုတဲ့ သတင်းဌာနတွေ နည်းပါးနေတာကို တွေ့ရပါတယ်။
ဘာကြောင့် ကိုယ်ပိုင် Hashtag အရေးကြီးတာလဲ?
Brand တည်ဆောက်မှု
သတင်းဌာနရဲ့ ကိုယ်ပိုင် hashtag တစ်ခုရှိတာက သတင်းဌာနရဲ့ brand identity ကို ပိုမိုခိုင်မာစေပါတယ်။ ဥပမာ – #BBCBreakingNews, #CNN စတဲ့ hashtag တွေက သတင်းဌာနရဲ့ brand နဲ့ ဆက်စပ်ပြီး ပရိသတ်ရဲ့ အမှတ်တရ စွဲမှတ်စေပါတယ်။
သတင်းရှာဖွေမှု လွယ်ကူခြင်း
ကိုယ်ပိုင် hashtag တစ်ခုက သတင်းဌာနရဲ့ သတင်းတွေကို ပိုမိုလွယ်ကူစွာ ရှာဖွေနိုင်အောင် ကူညီပေးပါတယ်။ ပရိသတ်တွေက သတင်းဌာနရဲ့ hashtag ကို ရှာဖွေရုံနဲ့ သတင်းအားလုံးကို တစ်နေရာတည်းမှာ တွေ့နိုင်ပါတယ်။
အသိုင်းအဝိုင်း တည်ဆောက်ခြင်း
ကိုယ်ပိုင် hashtag က သတင်းဌာနနဲ့ ပရိသတ်အကြား ခိုင်မာတဲ့ အသိုင်းအဝိုင်းတစ်ခု တည်ဆောက်ဖို့ အထောက်အကူ ဖြစ်စေပါတယ်။ ပရိသတ်တွေက သတင်းဌာနရဲ့ hashtag ကို သုံးပြီး ဆွေးနွေးမှုတွေမှာ ပါဝင်နိုင်ပါတယ်။
သတင်းပြန့်နှံ့မှု တိုးမြှင့်ခြင်း
ကိုယ်ပိုင် hashtag က သတင်းဌာနရဲ့ သတင်းတွေကို ပိုမိုကျယ်ပြန့်တဲ့ ပရိသတ်ထံ ပျံ့နှံ့စေပါတယ်။ ဒါက သတင်းဌာနရဲ့ အလုပ်တွေကို ပိုမို လူသိများလာစေပြီး သြဇာလွှမ်းမိုးမှုကို တိုးမြှင့်စေပါတယ်။
အချိန်နဲ့တပြေးညီ သတင်းတင်ဆက်မှု
သတင်းဖြစ်ပွားနေတဲ့ အချိန်မှာ ကိုယ်ပိုင် hashtag ကို အသုံးပြုပြီး သတင်းတင်ဆက်မယ်ဆိုရင် ပရိသတ်တွေက သတင်းအချက်အလက်တွေကို အချိန်နဲ့တပြေးညီ လိုက်ပါ ဖတ်ရှုနိုင်ပါတယ်။
မြန်မာ့သတင်းဌာနတွေအတွက် သီးသန့် ကိုယ်ပိုင် Hashtag နမူနာများ
သတင်းဌာနတွေရဲ့ ကိုယ်ပိုင် hashtag တွေကို သတင်းအမျိုးအစားအလိုက် ခွဲခြားအသုံးပြုနိုင်ပါတယ်။ ဥပမာအနေနဲ့ –
- #DVBNews (Breaking News အတွက်)
- #DVBElections (ရွေးကောက်ပွဲ သတင်းများအတွက်)
- #DVBInvestigates (စုံစမ်းဖော်ထုတ် သတင်းများအတွက်)
- #DVBOpinion (အယ်ဒီတာ့အာဘော်၊ သုံးသပ်ချက်များအတွက်)
- #DVBPeople (လူမှုရေး သတင်းများအတွက်)
အလားတူပဲ တခြား သတင်းဌာနတွေမှာလည်း အောက်ပါ နမူနာတွေကို ကိုးကားပြီး ကိုယ်ပိုင် hashtag တွေ ဖန်တီးနိုင်ပါတယ်။
- #TheIrrawaddyNews
- #MizzimaExclusive
- #MyanmarNowReports
မြန်မာ့သတင်းဌာနတွေအတွက် အကြံပြုချက်များ
သတင်းဌာနရဲ့ Brand နဲ့ ကိုက်ညီပြီး မှတ်မိလွယ်တဲ့ hashtag တစ်ခုကို ရွေးချယ်ပါ။ ထူးခြားတဲ့ ကိုယ်ပိုင် hashtag တစ်ခု ဖန်တီးပါ
သတင်းတိုင်းမှာ ကိုယ်ပိုင် hashtag ကို ထည့်သွင်းပြီး ပရိသတ်ကိုလည်း အသုံးပြုဖို့ အားပေးပါ။
Hashtag ရဲ့ အသုံးပြုမှုနှုန်း၊ ပရိသတ်ရဲ့ တုံ့ပြန်မှုတွေကို စောင့်ကြည့်ပြီး လိုအပ်သလို ပြင်ဆင်ပါ။
ကိုယ်ပိုင် hashtag တွေကို အသုံးပြုခြင်းဖြင့် မြန်မာ့သတင်းဌာနတွေဟာ ပရိသတ်ကို ပိုမို ဆွဲဆောင်နိုင်မှာဖြစ်သလို သတင်းတွေရဲ့ ပြန့်နှံ့မှုကိုလည်း တိုးမြှင့်နိုင်မှာ ဖြစ်ပါတယ်။ ဒါ့အပြင် သတင်းဌာနရဲ့ ယုံကြည်မှုနဲ့ သြဇာလွှမ်းမိုးမှုကိုလည်း ပိုမို ခိုင်မာစေမှာပါ။
ကိုယ်ပိုင် Hashtag တွေကို ပိုမိုထိရောက်စွာ အသုံးချခြင်း
သတင်းဌာနတွေအနေနဲ့ ကိုယ်ပိုင် hashtag တွေကို ပုံမှန်သတင်းအမျိုးအစားတွေအတွက်သာမက ပိုမိုကျယ်ပြန့်စွာ အသုံးချနိုင်ပါတယ်။
သတင်းဌာနရဲ့ သတင်းအမျိုးအစားတွေကို ပိုင်းခြားဖို့ သီးသန့် hashtag တွေ ဖန်တီးနိုင်ပါတယ်။ ဥပမာ – #BBCWorldNews (နိုင်ငံတကာသတင်း), #BBCMyanmarPolitics (မြန်မာ့နိုင်ငံရေး), #BBCMyanmarSports (မြန်မာ့အားကစား) စသဖြင့်ပေါ့။
လက်ရှိဖြစ်ပေါ်နေတဲ့ ထူးခြားတဲ့ သတင်းဖြစ်ရပ်တွေအတွက် သီးသန့် hashtag တွေ ဖန်တီးပြီး သုံးနိုင်ပါတယ်။ ဒါမှ စာဖတ်သူတွေက အဲဒီသတင်းဖြစ်ရပ်နဲ့ ပတ်သက်တဲ့ သတင်းအားလုံးကို တစ်စုတစ်စည်းတည်း လွယ်လွယ်ကူကူ ရှာဖွေ ဖတ်ရှုနိုင်မှာ ဖြစ်ပါတယ်။ ဥပမာ – #DVBMyanmarElection2020, #MyanmarNowOperation1027 စတဲ့ hashtag တွေကို သုံးသလိုပါပဲ။
နေ့စဉ် ထူးထူးခြားခြား ဖြစ်ပေါ်တဲ့ သတင်းတွေကို နေ့စွဲနဲ့ တွဲဖက်ပြီး hashtag တွေ ဖန်တီးနိုင်ပါတယ်။ ဥပမာ – #KhitThitDailyNews25June2024
ဒီလို နည်းလမ်းမျိုးစုံနဲ့ hashtag တွေကို ကျွမ်းကျင်စွာ အသုံးပြုခြင်းအားဖြင့် သတင်းဌာနတွေဟာ ပရိသတ်ကို ပိုမို ဆွဲဆောင်နိုင်မှာဖြစ်သလို သတင်းတွေရဲ့ ပြန့်နှံ့မှုကိုလည်း တိုးမြှင့်နိုင်မှာ ဖြစ်ပါတယ်။ ဒါ့အပြင် သတင်းဌာနရဲ့ ယုံကြည်မှုနဲ့ သြဇာလွှမ်းမိုးမှုကိုလည်း ပိုမို ခိုင်မာစေမှာပါ။
Hashtag အများကြီးသုံးတာ တကယ်ကို ထိရောက်ရဲ့လား?
လူမှုကွန်ရက်ပေါ်မှာ သတင်းတစ်ပုဒ်တင်တဲ့အခါ hashtag တွေ အများကြီး ထည့်သွင်းတာကို သတိထားမိကြမှာပါ။ တချို့ သတင်းတွေဆို # တွေနဲ့ ပြည့်နှက်နေတာမျိုး တွေ့ဖူးကြမှာပါ။ ဒါပေမယ့် ဒီလို hashtag အများကြီး သုံးတာက တကယ်ပဲ ထိရောက်ရဲ့လား။ စာဖတ်သူတွေအတွက်ရော အသုံးဝင်ရဲ့လားဆိုတာ သုံးသပ်ကြည့်ရအောင်။
Hashtag အများကြီး သုံးခြင်းရဲ့ အားသာချက်များ
Hashtag အများကြီး သုံးတဲ့အခါ သတင်းတစ်ပုဒ်ဟာ ပိုပြီးတော့ လူမြင်များလာနိုင်ပါတယ်။ ဘာလို့လဲဆိုတော့ တစ်ခုချင်းစီသော hashtag ကို ရှာဖွေတဲ့သူတွေ အားလုံးဆီ သတင်းက ရောက်သွားနိုင်လို့ပါ။ ဒါပေမယ့် Hashtag တိုင်းကို လူတွေက ဖွင့်ကြည့်ပါ့မလားဆိုတာ စဉ်းစားပါ။
Hashtag အများကြီး သုံးခြင်းရဲ့ အားနည်းချက်များ
Hashtag အများကြီး ပါနေတဲ့ သတင်းတစ်ပုဒ်က စာဖတ်သူအတွက် ရှုပ်ထွေးပြီး ဖတ်ရတာ ပျင်းစရာကောင်းနိုင်ပါတယ်။
Hashtag အများကြီး သုံးတာက spam လို့ ထင်မြင်စေပြီး သတင်းရဲ့ ယုံကြည်ကိုးစားရမှုကို ထိခိုက်စေနိုင်ပါတယ်။
Hashtag အများကြီးထဲမှာ အဓိက keyword ပျောက်သွားပြီး စာဖတ်သူတွေက သတင်းရဲ့ အနှစ်ချုပ်ကို လွဲချော်သွားနိုင်ပါတယ်။
လူသုံးများသည့် hashtag တွေကို အလွန်အကျွံ ထည့်သွင်းခြင်းက သင့်သတင်းကို ထိရောက်မှု နည်းစေပါတယ်။ ဘာကြောင့်လဲဆိုတော့ ဒီ hashtag တွေနဲ့ သက်ဆိုင်တဲ့ post အရေအတွက်က အလွန်များပြားတဲ့အတွက် သင့်သတင်းက မှေးမှိန်သွားနိုင်ခြေ များပါတယ်။
Hashtag တွေ အများကြီး သုံးတာက သတင်းတစ်ပုဒ်ရဲ့ ပြန့်နှံ့မှုကို တိုးမြှင့်ပေးနိုင်ပေမယ့် စာဖတ်သူအတွက် ရှုပ်ထွေးမှုတွေလည်း ဖြစ်စေနိုင်ပါတယ်။ ဒါကြောင့် သတင်းတစ်ပုဒ်အတွက် သင့်တော်မယ့် hashtag အရေအတွက်ကို သေချာ စဉ်းစား ရွေးချယ်သင့်ပါတယ်။ သတင်းရဲ့ အဓိက keyword တွေ၊ ကိုယ်ပိုင် hashtag တွေကို ဦးစားပေး သုံးသင့်ပါတယ်။
အရေးကြီးဆုံးကတော့ hashtag တွေကို စနစ်တကျ သုံးသပ် ရွေးချယ်ပြီး သတင်းတစ်ပုဒ်ရဲ့ အဓိက အကြောင်းအရာကို ပိုမို ပေါ်လွင်စေဖို့၊ စာဖတ်သူတွေ အလွယ်တကူ ရှာဖွေ ဖတ်ရှုနိုင်အောင် စီစဉ်ပေးဖို့ပါပဲ။